المقادير
2 كؤوس دقيق
كوب لبن
كوب ماء
مقدار ذره ملح
عدد 2بيض
مقدارفراخ بانيه شاورمه
مقدارسوسيس وعصاج
مقدارخضار وزيتون وجبنه شيدر
التحضير
التحضير:
نبدا بالخطوات
تضرب جميع المقادير في الخلاط (الدقيق- اللبن- الملح-الماء-البيض)
مقلايه تيفال كبيره
ندهنها بالزيت خفيف خالص او مش ندهنها انا ندهن مره اه ومره لا
ونحطها علي النار
ولما تسخن نحط فيها كبشه واحده من دي ونحركها بسرعه علشان تتفرد والمهم تكون رقيقه جدا
ونسيبها علي النار لحد ما الحواف تخلع وتاخد لون
ونقلبها الناحيه التانيه وشويه صغيره نطلعها ونحط اللي بعدها وهكذا
الحشو :
هناك طريقتان لحشو الكريب
اللف الطولي ودي سهلة جدا انك تلفيها زي الصورة كده تلفيها اسطوانة وترصيها في الصينية
التطبيق على شكل مثلث
طريقه التقفيل زى المثلث علشان بتاخد حشو كتير وبتحافظ عليه مش يوقع لو عندك اطفال
بنرص الحشو (زى ما تحبى)على نص مساحة الكريب
ونغطيه بالنص التانى
وبعدين نطبقه نصين
ييبقى على شكل مثلث
وبنحط كله في صنيه في الفرن مدهونه بسيط وبتطلع كده وبالهنا والشفا وممكن ترسي اللي انتي عايزاه على وشها سواء زيتون او صلصة او جبنة مونزريلا
لو تحبي تخلي لونه ابيض فاتح زي ما هو ويقرمش لفي كل واحده في فويل وخليه في الفرن من فوق
وألف هنا وشفا
