الشباكية المشبكة او الشميشة
نصف لتر حليب +رابعة زبدة مالغارين مدوبة + 1 خمارة + 1 فاني + ملعقة كبيرة سنيدة + قرصة ملح + خنيشة زهر او ملعقة كبيرة + ملون الزعفران شوييييية والدقيق تجمع قاصحة
الطريقة
كندوبو الزبدة مزيان ونسخنو الحليب كنخويوه فقصرية كنضيفو ليه السنيدة خمارة فانية وقرصة الملح والزهر والزعفران نحركوه ونصبو الدقيق حتا تجمع كنديرو العجينة قاصحة كنرشوها بدقيق او نديرليها ميكة كنحربلو حرابل وندوزوها من الكبيرة للصغيرة فمكينة الشعرية ونحطو بزاف الشناتف على زوج جهات ونحطو وحدة على وحدة بحالا كنضفرو ونقليوها فالزيت ونغطسوها فالعسل
