بسم الله الرحمان الرحيم
طريقة بسكويت عين الجمل
المقادير:
1.5 كاس دقيق الذره.
2 كأس طحين رقم 1.
1 كأس سكر بودره.
2 ملعقة صغيرة بيكن باودر.
3 بيضات.
1 زبده (227 غرام)
الطريقة:
1. يضرب البيض مع السكر في الخلاط.
2. يضاف دقيق الذره والطحين والبيكن باودر الى الخليط السابق ويعجن باليد الكهربائيه
3. ثم تضاف اليه الزبده بعد اذابتها لتصبح سائله.
مقادير التوفي:
2فنجان قهوه سكر خشن.
1 علبة قشطة.
قليل من الزبده.
4 ملاعق كبيرة حليب سائل مركز.
طريقة التوفي:
توضع قليل من الزبده مع السكر على النار حتى يحمر لونه ثم تضاف القشطة والحليب المركز مع التحريك المستمر حتى يصبح غليط القوام ويميل لونه الى اللون العسلي وبعد ذلك يترك ليبرد وبعدها يصب في قوالب البسكويت.
وصحتين وعافيه
تكور العجينه لكور صغيره وتوضع في قوالب الجهاز وعند اخراجها من الجهاز يستعمل لذلك عيدان الخشب الصغيره.
بالنسبه للعجينه تكون مثل عجينة البتي فور تسمح انك اتشكلينها على شكل كره صغيره وتحطينها في القالب البيضاوري يعني لا تكون سائله ولا تكون ناشفه واجد واي طبخه اكيد تعتمد على المقادير الدقيقه
وبعد ما تخلصين البسكويت تخلينه يبرد وبعدها تسوين التوفي وتخلينه يبرد اشوي وتستخدمين ملعقه صغيره في صب التوفي داخل البسكويت وتمسحين اشوي على اطراف البسكويت علشان يتسكر بالتوفي
وبسسسسسسسسس.. وصحتين وعافيه
المقدار الواحد يسوي 45 قطعه بسكويت (امسكرين على بعض) بس تاخذ وقت بس النتيجه يمممممممممممممم
أو تقدرين تستخدمين حشوة بالكاسترد والكاكاو
بنات تراني من زمان وانا أسوي الطريقه هذي او ماخذتها من منتدى أماراتي اوتراه ناجح ولا يفشل باذن الله
صورة الجهاز :
نمثل العجين كور بحجم حبة الزيتون المدر الكبير:
بنات إذا حطيتو كور العجين لاتملون القوالب كلها يعني خلو أثنين فاضين عشان البخار ما يكون كثيف ويفسد باقي الكور:
أو هذي صورها بعد ماتحمرت:
وهنا حطينا البسكويت على ورق نشاف
وهذا التوفي جاهز
وهذي الحشواة من كاسترد أو توفي مع مكسرات وكرسبي بالعسل للتزيين
وهذي جاهزة للتقديم بعد ماحشيناها وشكلها مرة جميل ومذاقها رائع ..
