بسم الله الرحمانالرحيم
سلطة البطاطا في قالب الكيك
مقادير
بطاطا مسلوقة
الابزار
المايونيز
الملح
الروز مسلوق
الطون
الزيتون مقطع صغير
طريقة تحضير
المهم خديت بطاطا مسلوقة وزت عليها شوية الابزار والمايونيز وشوية دالملحة ايلا بغيتي حيت اصلا المايونيز مالح
وخلطهوم مزيان
وممكن تزيدي الفرماج او اي حاجة بغيتيها
ومن بعد خديت القالب نتاع الكيك
و لبست ليه بطاطا ولكن ماتنساوش ديرو ورق الزبدة باش ماتلصقش بطاطا
حيت انا نسيتو وعدباتني
ومن بعد خديت الروز مصلوق وخلط معاه الطون والزيتون مقطع صغير
او ممكن ديري شيحاجة اخرى مثلا الباربا او خيزو
المهم وعمرت بيه الداخل
وقلبت عليه بطاطا باش يتسد
وقلبتو فالطبسيل وبديت كانزوق فيه
الشكل النهائي و بالصحة و الراحة
