المقادير:
- كيس مكرونة شرايط مسلوقة
- ¼ كيلو صدور فراخ متبلة ومقطّعة مكعبات
- كوب كريمة طبخ (هتلاقيها في السوبر ماركت)
- ¼ كيلو مشروم شرائح
- ملعقة كبيرة زبدة
- ½ بصلة مفرومة
- ½ كوب شوربة
- ملح وفلفل
ممكن تستبدلي المكرونة الشرايط بالمكرونة الأقلام لو مش متوفّرة عندك.
الطريقة:
1- شوّحي البصل المفروم مع الزبدة في طاسة على النار، وبعد كده حطّي عليها صدور الفراخ، وقلّبيهم مع بعض لحد ما الفراخ تستوي كويس.
2- ضيفي المشروم والشوربة على الفراخ، وقلّبيهم كويس مع بعض، وفي الآخر ضيفي كريمة الطبخ، وسيبيهم لحد ما يغلوا مع بعض، وبعد كده تبّليهم بالملح والفلفل.
3- بعد كده ضيفي المكرونة على الصوص، وقلّبيهم مع بعض كويس، وحطّي المكرونة في أطباق التقديم، وممكن تزيّني الطبق بأوراق الريحان أو البقدونس المفروم.. وبالهنا والشفا.
اقراء ايضا ..