سر انتشار صور الزرافات على الفيس بوك
لو حاسس ان فيه ناس كتير عماله تشير صور زراف او بتغير صورة البروفايل بتاعها لزرافة متستغربش، ومتقلقش... القصة وما فيها هي انتشار الميمي دا على الفيس بوك بسبب انتشار فزوره لو جاوبتها صح المفروض تحتفظ بصورة بروفايلك عادي، لكن لو جاوبت غلط لازم تغير صورة بروفايلك لزرافه
طب ايه الفزوره؟
الفوازير متنوعه لكن خد بالك من المقلب اللي فيها ، هنقولكو مثال تحت بس متنساش لو جاوبت غلط لازم تغير صورة البروفايل لحاجه زي دي :
زرافة الفيس بوك
الفزورة تكون مثلا كالآتي :
لو انت نايم فالبيت الساعه 3 وفجاه ضرب جرس الباب، المفاجاه كانت ان ابوك وامك طبوا عليك على غفله، ومعندكش فالتلاجه غير علبة تونه وعلبة عصير وكيس لبن، ايه اول حاجه هتفتحها؟
ها فكرت كويس؟
لو كانت اجابتك اي حاجه تتاكل فلازم تغير صوره البروفايل للزرافه دلوقت حالا ، لكن لو جاوبت مثلا عيني عشان اصحى دا الساعه 3 او اول حاجه افتحها الباب ليهم
يلا روح غير صورة البروفايل للزرافه :)