بسم الله الرحمان الرحيم
أسهل طريقة لتحضير الزبدة البلدية في البيت
يمكن ليك تصايبي الزبدة البلدية بدون عناء
مقادير وطريقة تحضير الزبدة البلدية في البيت
غادي تشدو الحليب ديال العبار و ديروه فشي حاجة واسعة و خليوه شي 12 لساعة و جبديه بلا ما يتحرك
غادي تلقايه دار واحد لاكوش لفوق هاديك غادي تجمعيها بالمعلقة
الصور غادي توضح
خاصها تجمع فشي طاسة ديال ميكة و تكون تتبين و ديما فاش تسالي الجميع دخليها للتلاجة
و منين كتجمعي الكمية لي غادي تبغي تتخرجي ديك الطاسة من التلاجة و تخليها واحد 24 ساعة و فاش يكون الحال بارد بزاف 48 ساعة
هاهو من بعد 24 ساعة كيف كيولي رايب لتحت لي كيولي لبن و لفوق الكريم لي كتولي زبدة
كنصبو ديك الطاسة فمولينيكس
و كتبداو نطحنو كدوزو واحد 2 دقايق بالحساب كيبدا يبان حبيبات فجنب الكاس و فاش غادي تحلو عليه غادي تبان ليكم الزبدة تجمعات الفوق ولكن مفرتتة
غادي ديرو الكاس بين يديكم و تحركوه دائري باش
الزبدة تولي كورة وحدة
كنديروها في الماء يكون بارد
هاهي الزبدة و اللبن واجدين ويلا بغيتو تملحو الزبدة و ديروها فقرعة و خليوها تولي سمينة